Hüve’l – Mu`in El-Bâkî Ed-Dâim
İzmid Nâibi mevâliden
Tevfik Beyin vâlidesi
Merhûme ve Mağfûrun lehâ Habibe Şerife
Hanımın rûh şerifiçün
Ve kâffe-i ehl-i îmân ervâhiçün
Lillahi’l-Fâtiha Sene 1311 Gurre-i Rebî´ül -Evvel
Bağçeşme Namazgâh Şehitliği 21. Kitâbe
Hüve’l – Hayyu Lâyemût
Gümrük Müdîri idi İzmit’te sâdıkâne
Olmuşdu lütf-u Hakla memdûh ve hem muvaffak
Hayfa ki bezm-i âlem izhâr edince mâtem
Sâki-i mevt sundu peymâne-i muhrik
Tecrid-i rûh edince encâm kâr dehrin
Kayd-ı alâyıkından âzâde oldu mutlak
Olmuşdu pür kâmil amma ki gitdi eyvâh
Yokdur vefâsı kevnin insân için muhakkak
Bir geldi fevtine bu târih-i rûmî
… Efendi gitdi Daru’l-Cinâna El-Hakk
Bağçeşme Namazgâh Şehitliği 22. Kitâbe
Allah Bes Bâkî Heves
Şeyhü’l-Harâm-ı Hazret-i Nebevi esbâk
Müteveffâ Çerkez Hâfız Mehmed Paşanın
Halîlesi ve İzmid Redif Kumandanı
Mir Liva Sadeddin Paşanın vâlide-i
Muhteremeleri merhûme ve magfûre Hâce
Zübeyde Hanımın rûh-u şerifiçün
Rızâen lillahi Teâlâ Fâtiha
Fî 25 Şa`ban Sene 1310
Bağçeşme Namazgâh Şehitliği 23. Kitâbe
Âh Mine’l-Mevt
Âh bir gül-i gonce-i nevres fidân
Kuş misâli eyledi azm-i cinân
İzmid Rusûm sitte Merkez Bâş-kâtibi
Süleyman Fehmi Efendinin mahdûmu İlyas
Nureddin rûhuna Fâtiha 1298
Bağçeşme Namazgâh Şehitliği 24. Kitâbe
Allah Bes Bâkî Heves
Şeyhü’l-Haram esbâk-ı müteveffa
Hâfız Paşanın kerîmesi
İzmid kumandanı
Ferik Sadeddin Paşanın hemşîresi ve Serdar-ı
Ekrem müteveffâ Ömer Paşa
Hazretlerinin halîle-i muhteremesi
Merhûme Emine hanımın rûhuna
El-Fâtiha Fi 5 Cemaziye’l-evvel 1312
Bağçeşme Namazgâh Şehitliği 25. Kitâbe
Hüve’l-Bâkî
Âh kim hemnâm ceddü’l-Enbiya’ ol hoş makâm
Gitdi dünyâdan ahbâs bırakdı pür melâl
Câmi-i Fevziyenin ol Seyyid âlî neseb
Hem Hâtîbi hem İmâmı idi ânın nice sâl
Nagehân kûşuna erdikde nidây-ı irci`ı
Etdi ol dem cân ve dilden emr-i Hakka imsâl
Murg-i rûhu bâğ-ı cennet içre pervâz eylesûn
Kabrini envâr-ı Kur’an ide Rabbi zü’l-Celâl
Söylesûn ahbâbı mâtemgâh vefâtı târihin
Kıldı … İbrahim Edhem Efendi irtihâl 1255
Bağçeşme Namazgâh Şehitliği 26. Kitâbe
Âh Mine’l-Mevt
Âh bir gül-i gonce-i nevres fidân
Kuş misâli eyledi azm-i cinân
Rüsûm Posta Bâş-kâtibi Süleyman Efendi Beyin
Mahdûmu Mehmed Talat rûhuna Fâtiha Sene 1300 25 Ramazân
Bağçeşme Namazgâh Şehitliği 27. Kitâbe
Merhûm ve Mağfûrun Leh
Mumcu başı damâdı
Üsküdarî El-Hâcc Hüseyin
Ağa rûhiçün Fâtiha
Sene 1111
Bağçeşme Namazgâh Şehitliği 28. Kitâbe
Hüve’l-Bâkî
Basîret çeşmini aç bak makâm-ı evliyâdır bu
Hilâfetle mübeccel muktedây-ı etkıyâdır bu
Tarîk-ı Hâlidî’de etdi kırk yıl kesbe feyzâ feyz
Çerâğ-ı Hâcegândır şem`â-i Ahmed Ziyâdır bu
Cenâb-ı zü’l-Cenâheyn Hazret Ahmed Efendidir
Mükerrem vâris-i pâk ulûm-u enbiyâdır bu
Huzûrunda oku İhlâs ile bir Fâtiha zâir
Derûnun nûra gark olsûn mezâr-ı asfiyâdır bu
Sene 1334 12 Sâfer Sene 1332 25 Teşrîn-i Sânî
Bağçeşme Namazgâh Şehitliği 29. Kitâbe
Hüve’l-Hallâku’l-Bâkî
Merhûm Es-Seyyid Hâfız
Ahmed Efendi zâde
Hâfız aliyyu’l-Vasfi
Efendi rûhuna Fâtiha
1307 fi Ramazân
Bağçeşme Namazgâh Şehitliği 30. Kitâbe
Hüve’l-Hayyu Lâ Yemût
Âsâkir-i redÎf-i hazreti şâhânenin hayfâ
Bu el-Hacc Ali Sabri Bey idi miralâyı
Ziyâde harb u darbe muktedir merd-i diliri
Nice yerde görüb … almışdı nâm-ı vâlâyı
Delirâne çekûb seyfin mehâbetle sürûb asker
Şeca`ât ile kumanda ederdi zîr-i bâlâyı
Alaylar bağlayûb muhkem kurûb tabûr-u müstahkem
Hücuûm edince birden saf bozub bozardı a`dâyı
Vücûduna ecel tığı erişdi âkibet nâgâh
Ve ona etmeyûb encâmı terk etdi bu dünyâyı
Olup meşkûr hep sa`ayı âlâ ordu-yu ukbâda
Nişân ve senedi vâlâ ile ihsân-ı Mevlâyı
Niyâz edûb olur dergâha Râci dedi tarihin
Ali Beye mükâfât ede Hak Firdevs-i â`lâyı
Fâtiha 1279
Bağçeşme Namazgâh Şehitliği 31. Kitâbe
Yorumlar